13 жніўня: Дзень ўшанавання Мінскай Іконы Багародзіцы; 

15 жніўня: свята Ўспення Найсвяцейшай Багародзіцы;      

22 жніўня Дзень ўшанавання Браслаўскай Іконы Багародзіцы.

Трапар (гл. 1). Дзявоцтва захаваўшы ў сынараджэньні Тваім, / ва Ўспеньні Тваім сьвету не пакінула Ты, Багародзіца: / да жыцьця  пераставілася Ты, / будучы Маці Жыцьця, // і малітвамі Тваімі выбаўляеш ад сьмерці душы нашыя.

З 1922 па 1926 год у Гродне жыў адзін з самых вядомых у свеце каталіцкіх святых – айцец Максімільян Марыя Кольбэ, польскі францішканін, які добраахвотна аддаў сваё жыццё за невядомага яму чалавека, асуджанага на смерць у нацысцкім канцэнтрацыйным лагеры Аўшвіц у жніўні 1941 года.

Гродзенскі перыяд служэння Максімільяна Кольбэ быў важным этапам яго біяграфіі. Святы прычыніўся да адраджэння мясцовага францішканскага кляштара, у якім зноў пачало віраваць жыццё пасля ліхалецця пераследу Касцёла на гэтай зямлі. У горадзе над Нёманам Максімільян Кольбэ разгарнуў сваю буйную выдавецкую дзейнасць, жадаючы паставіць на службу Багародзіцы каталіцкія друкаваныя выданні з мільённымі накладамі.

Напярэдадні ўспаміну святога Максімільяна Кольбэ, які будзе адзначацца ў Касцёле 14 жніўня, Папа Леў XIV нагадаў пра прыклад яго мужнай веры і заклікаў маліцца праз яго заступніцтва за мір.

На заканчэнне агульнай аўдыенцыі, якая прайшла 13 жніўня 2025 года ў Зале Паўла VI у Ватыкане, Святы Айцец прывітаў пілігрымаў з Польшчы, згадаўшы пра іх вялікага суайчынніка.

Трапар. На водах Сьвіслачы / зьявілася Ты, Беззаганная Дзева, / ад Царграда да Кіева / Богам сьцеражонаму гораду Менску ласку паказаўшы; / прасьвяці нас грэшных зьзяньнем Сваім, / зьяві, як заўсёды, сілу Сваю, / уратуй нас заступніцтвам Сваім / і выбаў ад напасьцяў варожых, / бо Цябе як неадольную сьцяну і адзіную надзею маем. 

Кандак.Падзяку прыносяць слугі Твае да Цябе, Багародзіца, / за ўсё, чым дабрадзейнічала Ты гораду нашаму, / з глыбіні душы клічам да Цябе: / не супыняй, Уладарка, да Сына Твайго і Бога нашага матчынымі малітвамі / падаваць усё добрае і выратавальнае / ўсім, хто з вераю і любоўю ўсклікае да Цябе: / радуйся, Дзева, хрысьціянаў хвала.

Юбілейны год – не толькі літургічная ці сімвалічная падзея, але і глыбокі духоўны шанец, - адзначыў біскуп Кшыштаф Ныкель, рэгент Апостальскай пенітэнцыярыі, у інтэрв’ю інфармацыйнаму агенцтву KAI.

Іерарх перакананы, што самае галоўнае падчас Юбілею – гэта “прагненне змяніць сваё жыццё на лепшае”. “А гэта можа здарыцца толькі тады, калі адбудзецца сустрэча з Езусам Хрыстом – Тым, хто ёсць Дарогай, Праўдай і Жыццём. Гэта Ён адорвае нас бязмежнай, безумоўнай любоўю і міласэрнасцю”, - сказаў рэгент, падкрэсліваючы, што “Юбілей – час для роздуму, удзячнасці і рашэння жыць лепш”.

Каля мільёна маладых пілігрымаў узялі ўдзел у святой Імшы, якую Папа Леў XIV цэлебраваў раніцай 3 жніўня 2025 года на вялікім полі Тор-Вергата на ўскраіне Рыма. Літургія стала кульмінацыйным момантам Юбілею моладзі.

У гаміліі Пантыфік заклікаў юнакоў і дзяўчат сустрэць Хрыста, бо толькі Ён па-сапраўднаму змяняе жыццё, прасвятляе пачуцці, жаданні і думкі, а таксама можа задаволіць жаданне вялікага, якое кожны чалавек носіць у сваім сэрцы.

“Росіца – маленькая кропелька гэтага свету, такая маленькая, што калі б раптам яна знікла з твару зямлі, то ці заўважыў бы гэта свет? Але ў гэтай маленькай кропельцы столькі душаў – загадкавых, непаўторных, прыгожых!” (І.Жарнасек “Будзь воля Твая”).

Такой цытатай, прамоўленай пастырам Віцебскай дыяцэзіі Алегам Буткевічам, распачалася Імша для пілігрымаў у Росіцкай святыні. І хоць словы гэтыя ў кнізе мелі іншы кантэкст, але вельмі блізкімі сталі яны кожнаму прысутнаму ў храме.

Традыцыйная пілігрымка Друя - Росіца пачалася ў сераду - 30 ліпеня 2025 г. 

На паломніцкі, трохдзённы шлях вырушыла 50 пілігрымаў, у тым ліку значная група грэка-католікаў. На шляху далучаюцца новыя пілігрымы. 

Да Росіцы паломнікі дойдуць у пятніцу - 1 жніўня. Там іх чакае багатая духоўная праграма.

28 ліпеня 2025 года ў Рыме распачаўся Юбілей моладзі – найбуйнейшая падзея Святога года. Вечны горад запоўнілі сотні тысяч юнакоў і дзяўчат з 146 краін свету. Увечары на Плошчы святога Пятра адбылася ўрачыстая Імша, якую ўзначаліў пра-прэфект Дыкастэрыі па евангелізацыі арцыбіскуп Рына Фізікела. Нечаканай кульмінацыяй свята стала прывітанне Льва XIV.

У гэты вечар на ватыканскай плошчы і прылеглых вуліцах сабралося каля 120 тысяч маладых пілігрымаў. Панаваў дух сапраўднага свята: гучала музыка, луналі сцягі, хлопцы і дзяўчаты ў каляровых футболках з энтузіязмам спявалі гімн Юбілею.