Віншавальнае Слова Апостальскага Нунцыя на Раство Хрыстова

Апостальскі Нунцый ў Беларусі Найдастойны Уладыка Марцін Відавіч накіраваў сваё віншавальнае Слова на свята Божага Нараджэння да Апостальскага Візітатара для грэка-католікаў Беларусі Пачэснага Архімандрыта Сяргея (Гаека), да духавенства і вернікаў Беларускай Грэка-Каталіцкай Царквы.

АПОСТАЛЬСКАЯ НУНЦЫЯТУРА
У БЕЛАРУСІ


Пачэсны Айцец Архімандрыт,

святкуючы ўрачыстасць Божага Нараджэння, у малітоўнай засяроджанасці схіляемся над таямніцай Уцелаўлення Ісуса Хрыста, народжанага з Дзевы Марыі.
Адзінародны Божы Сын, Святло са Святла, стаўся чалавекам. Ён, сапраўдны Бог і сапраўдны Чалавек, застаўшыся кім быў, кім жа не быў, добраахвотна стаўся з любові да людзей.

У час радаснага святкавання Нараджэння Збаўцы, якім ёсць Госпад Месія, хачу перадаць Вам, Пачэсны Ойча, разам са Святарамі і Дыяканамі, з манахамі і манахінямі, ды разам з усім народам Божым гэтага ўлюбленага візантыйскага або грэцкага абраду самыя сардэчныя зычэнні, каб час сузірання Хрыста ў Таямніцы Ягонага Ўцелаўлення ўзбагачаў веру, дапамагаў чыніць дабро і рабіў Вас усіх сапраўднымі сведкамі Хрыста ў кожны дзень надыходзячага Новага 2011 году Божага.

Са святочным віншаваннем у Хрысце Ісусе, Які ёсць Богам з намі,
праз Якога ўсё сталася і Які пасяліўся сярод нас



----------------------------------------------------------
Пачэснаму
Архімандрыту СЯРГЕЮ (Гаеку)
Апостальскаму Візітатару ad nutum Sanctae Sedis
для грэка-католікаў Беларусі
МІНСК