Скаўцкі выезд

17 траўня адбыўся агульны выезд скаўцкай суполкі нашай парафіі сумесна з бацькамі у лес. Мэтай гэтай вандроўкі было не толькі адпачыць на прыродзе, паесьці смачнай кашы, прыгатаванай на вогнішчы самімі дзецьмі, але і ўрачыстая цэрымонія ўступленьня малодшых дзяцей у зграю ваўчанят, і пераход старэйшых у скаўты.

Такім чынам, Алесь Губарэвіч і Артур Жукоўскі, атрымаўшы блаславеньне сьвятара, уступілі ў зграю ваўчанят – малодшай галіны скаўтаў, а Альжбэта Абламейка і Шура Сёмуха, выйшаўшы са зграі, увайшлі ў новае кап'ё, стаўшы на прыступку вышэй у скаўцкай фармацыі.

Цікава, што гульнямі былі зацікаўлены не толькі дзеці, але і бацькі, якія прымалі ў іх актыўны ўдзел, а пасьля ўсе разам мелі агульны пасілак і магчымасьць падзякаваць Богу ў Боскай Літургіі за сумесную радасць, якую ўсе перажылі.