Сёньня роўна паўгады ад візіту Яго Эмінэнцыі кардынала Тарчызіо Бэртонэ

Сёньня роўна паўгады ад візіту Яго Эмінэнцыі кардынала Тарчызіо Бэртонэ, які тады асьвяціў наш Душпастырскі цэнтр. З гэтай нагоды ў Цэнтры сьв. Язэпа наш пробашч, айцец Андрэй Абламейка, адслужыў асаблівы ўдзячны малебен за Сьвятога Айца Бенядыкта ХVІ, Ягонага Дзяржаўнага Сакратара кардынала Тарчызіо Бэртонэ і Ягонага Нунцыя ў Беларусі архібіскупа Марціна Відавіча.

Акрамя таго, сёньня пачалася Дзевятніца – духовая падрыхтоўка да патранальнага сьвята нашай парафіі, таму была адслужана першая частка Акафіста Сьвятому і Праведнаму Язэпу Абручніку Найсьвяцейшай Дзевы Марыі. На працягу дзевяці дзён будзе брацца адна частка Акафіста і малітва да сьв.Язэпа.