У Ружанах Пінская дыяцэзія распачне святкаванне свайго 100-гадовага юбілею

28 верасня ў Ружанах (Пружанскі дэканат, Пінская дыяцэзія) распачнецца ўрачыстае свякаванне стогоддзя з часу заснавання Пінскай дыяцэзіі, якое будзе працягвацца да восені 2025 года ў розных мясцінах самай вялікай каталіцкай дыяцэзіі ў Беларусі.

Ружанскі фэст будзе адметны не толькі пасвячэннем адрэстаўраванай старадаўняй капліцы святога Казіміра, магчымасцю пачуць адноўлены пасля стогадовага перапынку ўнікальны барочны арган, паўдзельнічаць у рэканструкцыі сярэднявечных святкаванняў, а таксама пагрузіцца ў непаўторную духоўную атмасферу набажэнстваў і сустрэчы з рэліквіямі святога Казіміра ў велічным ружанскім касцёле Найсвяцейшай Тройцы.

 

У праграме святкавання:

• 11.00 – святая Імша ў капліцы святога Казіміра (на ўскраіне мястэчка пры выездзе ў бок Слоніма):
• пасвячэнне адрэстаўраванай капліцы,
• унясенне абраза і рэліквій святога Казіміра ў капліцу,
• урачыстае перанясенне абраза і рэліквій святога Казіміра праз замак у парафіяльны касцёл;
• 13.00 – адкрыццё юбілейнага года прысвечанага 100-годдзю Пінскай дыяцэзіі (парафіяльны касцёл Найсвяцейшай Тройцы ў цэнтры мястэчка):
• знаёмства з гісторыяй Пінскай дыяцэзіі,
• прэзентацыя юбілейных кніг: «Даведнік Пінскай дыяцэзіі», «Касцёлы Пінскай дыяцэзіі. Пружанскі дэканат»,
• прэзентацыя і благаслаўленне адноўленага старадаўняга аргана,
• канцэрт арганай музыкі;
• 15.00 – сучасная хрысціянская музыка на тэрыторыі Ружанскага замка (праект «Рыбы», гурт Verbum Dei).

Больш падрабязна з праграмай фэсту ў Ружанах можна пазнаёміцца на рускай мове на інтэрнэт-старонцы: ruzhany.by.

 

Чарговым пунктам святкавання стагоддзя Пінскай дыяцэзіі будзе пасвячэнне касцёла святога Яна Паўла ІІ ў Баранавічах (вул. Марфіцкага і Жураўлевіча, 20) 19 кастрычніка ў 11.00.

 

Паводле Catholic.by