Прэзідэнт Таджыкістана здзейсніў візіт у Ватыкан

26 красавіка 2024 года Святы Айцец прыняў на аўдыенцыі ў ватыканскім Апостальскім палацы Прэзідэнта Таджыкістана Эмамалі Рахмона.

 

Падчас шчырых перамоў у Дзяржаўным сакратарыяце былі адзначаны добрыя адносіны паміж Апостальскай Сталіцай і Таджыкістанам, а таксама абмеркаваны некаторыя аспекты палітычнай і сацыяльна-эканамічнай сітуацыі ў краіне.

 

Асаблівая ўвага была нададзена важнасці дыялога і ўзаемаразумення паміж народамі і культурамі дзеля ўмацавання міру і стабільнасці ва ўсім свеце, гаворыцца ў кароткім паведамленні Залы Друку Апостальскай Сталіцы, апублікаваным па выніках візіту.

 

Аляксандр Панчанка - Vatican News