Патрыярх Варфаламей настойвае на адзінай даце Пасхі для ўсіх хрысціян

Усяленскі Патрыярх Варфаламей працягвае намаганні, каб усе хрысціяне святкавалі Вялікдзень у адзін дзень. У мінулую нядзелю ганаровы кіраўнік Праваслаўнай Царквы накіраваў самыя цёплыя віншаванні ўсім цэрквам-сёстрам, якія ўжо святкуюць Вялікдзень, паведаміў 2 красавіка сайт Венскага экуменічнага фонду «Pro Oriente». У той жа час Варфаламей у сваім пасланні заявіў, што раздзельнае святкаванне галоўнай хрысціянскай падзеі Уваскрасення Гасподняга з'яўляецца «скандалам».

 

У гэтым годзе праваслаўныя святкуюць Вялікдзень 5 мая. У наступным годзе святкаванні Вялікадня ва Усходніх і Заходняй Цэрквах прыпадае на адзін дзень — 20 красавіка. Патрыярх падкрэсліў, што шчыра спадзяецца і моліцца, каб гэтае сумеснае святкаванне ў наступным годзе было не выпадковай разавай падзеяй, а пачатковай іскрай для далейшых старанняў па аб'яднанні даты Вялікадня.

 

У 2025 г. цэрквы таксама будуць адзначаць 1700-годдзе Нікейскага сабору. Першы Нікейскі Усяленскі Сабор меў вырашальнае значэнне для ўсяго хрысціянства, якое ў той час яшчэ не было падзелена.

 

Розныя даты Вялікадня на Усходзе і Захадзе абумоўлены рознымі спосабамі яго вылічэння. Напрыклад, некаторыя Усходнія Цэрквы вызначаюць дату Вялікадня паводле юліянскага календара і іншым спосабам, чым заходнія Цэрквы, якія правялі грыгарыянскую рэформу календара ў XVI стагоддзі. У крайнім выпадку даты Вялікадня могуць мець розніцу да пяці тыдняў. Такі выпадак мае месца ў 2024 годзе.

 

Паводле тэлеграм-канала "Грэка-каталікі Беларусі"