Парафія сьвятога Язэпа > Навіны > Эўхарыстыя - школа любові і салідарнасці

Эўхарыстыя - школа любові і салідарнасці


9.09.2021.

Эўхарыстыя - школа любові і салідарнасціБоскай Літургіяй у візантыйскі абрадзе завяршыўся ў Будапешце Канвент Іерархаў Усходніх Каталіцкіх Цэркваў Эўропы.


Канвент Іерархаў (Conventus Hierarcharum Orientalium Catholicorum Europae - CHOCE) праходзіў у Будапешце 4-8 верасня 2021 - у час 52-га  Міжнароднага Эўхарыстычны Кангрэсу (5-12 верасня 2021). Гэта была добрая нагода ўзгадаць удзел іерархаў Усходніх каталіцкаіх Цэркваў у мінулых Міжнародных Эўхарыстычных Кангрэсах, у тым ліку і біскупскую хіратонію Уладыкі Чэслава Сіповіча, 4 жніўня 1960 г., на 37-ым Міжнародным Эўхарыстычным Кангрэсе ў Мюнхене.

 

У праграме Кангрэсу ў Будапешце ўдзельнічалі так сама прадстаўнікі праваслаўных Цэркваў (мітрапаліт Іларыён з Маскоўскага Партыярхата РПЦ) і ўсходніх дахалкідонскіх Цэркваў (патрыярх сіра-праваслаўнай Царквы Мор Ігнацый Афрам ІІ (Karin). У суботу 11 верасня на малітоўнай сустрэчы ў рамках Кангрэса выступіць усяленскі патрыярх Варфаламей.


У працах Канвента Іерархаў і ў праграме Міжнароднага Эўхарыстычнага Кангрэса удзельнічалі прадстаўнікі грэка-каталіцкіх Цэркваў: грэка-мельхіцкай, італа-албанскай, украінскай, рымынскай, венгерскай, славацкай, балгарскай, грэцкай, беларускай, епархіі Крыжаўцы, епархіі Мукачаўскай, апостальскага экзархата Чэхіі а таксама ардынарыята для армяна-католікаў Усходняй Эўропы, армяна-каталіцкай архіепархіі ў Стамбуле ды апостальскай візітатуры для сіра-католікаў Эўропы.    

 

У сераду - 8 верасня 2021 г., у свята Нараджэння Найсвяцейшай Багародзіцы, у галоўным храме сталіцы Венгрыі - Базыліцы св. Стэфана, патрыярх  Мельхіцкай грэка-каталіцкай Царквы Яго Блаславенства Юсэф (Youssef Absi) узначаліў Боскую Літургію, якая была адным з цэнтральных момантаў Міжнароднага Эўхарыстычнага Кангрэса. Літургію саслужылі шматлікія біскупы і святары Цэркваў візантыйскага абраду, сярод якіх вярхоўны архіепіскап Украінскай грэка-каталіцкай Царквы Яго Блаславенства Святаслаў (Шаўчук). 

 

Прысутнічалі на Боскай Літургіі патрыярх Халдэйскай каталіцкай Царквы Яго Блаславенства кардынаў Рафаэл I (Louis Raphael Sako), патрыярх Мараніцкай Царквы Яго Блаславенства кардынал Бешара-Пётр (Bechara Boutros Rai) з яшчэ адным мараніцкім біскупам, іерарх Армяна-каталіцкай Царквы архібіскуп Рафаэль (Minassian) з Арменіі (ардынарый для вернікаў ва Усходняй Эўропе), кардыналы ды шматлікія біскупы і святары лацінскага абраду з розных краінаў свету (Эўропы, Афрыкі, Азіі, Амерыкі).


"Эўхарыстыя - гэта для нас школа любові і салідарнасці - сказаў у казанні Патрыярх Юсэф. "Карыстаемся словамі малітвы "Ойча нябесны, дай нам адвагу несці свету моц і радасць Хрыста". 


Вярнуцца назад