Кардынал П’етро Паралін наведаў Украіну, дзе ўзяў удзел у святкаванні Дня Незалежнасці

З 23 па 25 жніўня з афіцыйным візітам ва Украіне знаходзіўся Дзяржаўны сакратар Яго Святасці Папы Францішка кардынал П’етро Паралін, які па запрашэнні дзяржаўных уладаў узяў удзел у святкаванні 30-годдзя аднаўлення Незалежнасці краіны.

Як паведаміў Дэпартамент інфармацыі Украінскай Грэка-Каталіцкай Царквы, у кіеўскім міжнародным аэрапорце «Барыспаль» высокага госця праводзілі кіраўнік УГКЦ Першавярхоўны Арцыбіскуп Святаслаў Шаўчук, выконваючы абавязкі Канферэнцыі Рыма-Каталіцкіх Біскупаў Украіны арцыбіскуп Мечыслаў Макшыцкі, Мітрапаліт Львоўскі, а таксама біскуп Кіева-Жытомірскі Віталь Крывіцкі SDB.

 

Першавярхоўны Арцыбіскуп Шаўчук падзякаваў кардыналу Параліну за візіт і запэўніў у нястомнай малітве.

 

Як адзначаецца, візіт кардынала Дзяржсакратара ў Кіеў меў выключна дыпламатычны і пратакольны харакатар і стаў праявай блізкасці і ўвагі Святога Пасаду да Украіны ў той час, калі яна адзначае 30-годдзе аднаўлення Незалежнасці.

 

Паводле Catholic.by