Месяц май па жаданні Папы Францішка стане месяцам малітвы аб спыненні пандэміі

Папская рада па развіцці новай Евангелізацыі паінфармавала, што, згодна з гарачым жаданнем Святога Айца, май будзе прысвечаны малітоўнаму марафону пад дэвізам «Касцёл нястомна маліўся да Бога (Дз 12, 5)».

Як паведамляе Каталіцкае інфармацыйнае агенцтва КАІ, усе санктуарыі свету стануць месцамі ружанцовай малітвы ў інтэнцыі заканчэння пандэміі з удзелам вернікаў, сем’яў і супольнасцяў.

На афіцыйных каналах Святога Пасаду ў 18.00 (па рымскім часе) будзе транслявацца марыйная малітва з 30-і санктуарыяў свету.

 

Папа Францішак, як паінфармавала Папская рада па развіцці новай Евангелізацыі, распачне гэтую вялікую малітву 1 мая, а завершыць 31 мая.

 

+ + + 

Грэка-католікі Беларусі далучацца да малітвы з Яго Святасцю Папам Францішкам чытаючы штодзённа Акафіст Багародзіцы.

Дні асаблівай супольнай малітвы - гэта парафіялныя святы:

- 7 мая 2021 - у Івацэвічах свята Маці Божай Жыровіцкай;

- 13 мая 2021 - у Гародні свята Маці Божай Фацімскай.

 

Паводле: Catholic.by