Кожны тыдзень храм наведваюць толькі 8,1% беларусаў

Рэлігійныя ўстановы (царкву, малітоўны дам, мячэць, сінагогу, у залежнасці ад веравызнання) раз у тыдзень і часцей наведваюць усяго 8,1% беларусаў. Пра гэта сведчаць дадзеныя сацыялагічнага даследавання “Сацыяльная база праграм трансфармацый у Беларусі”, праведзенага ў траўні-кастрычніку 2016 года Цэнтрам еўрапейскай трансфармацыі.

 

«Яшчэ каля чвэрці (25,5%) бываюць там, як мінімум, кожны месяц ці крыху радзей, 22,7% — 1-3 разы на год (хутчэй за ўсё, «па вялікіх святах», г.зн., умоўна кажучы, на Вялікдзень і Раство)», гаворыцца ў даследаванні.

 

Пры гэтым 9,5% апытаных заходзілі ў храм толькі раз у жыцці, а не былі ніколі — 20,7% рэспандэнтаў.

 

Разам з тым сярод месцаў, якія беларусы ў свой вольны час наведваюць часцей за ўсё, храм усё ж знаходзіцца на другім месцы. Вышэй толькі лецішча. Раз на тыдзень і часцей там бывае 45,4% апытаных, а вось былі там раз у жыцці ці не былі ніколі — 23,6%.

 

Паводле Krynica.info, фота photogoroda.com