Віншавальны ліст Прэфекта Кангрэгацыі Усходніх Цэркваў з нагоды 25-годдзя аднаўлення адкрытай дзейнасці беларускіх грэка-католікаў

На Свята Пасхі Хрыстовай Прэфект Кангрэгацыі Усходніх Цэркваў Высокадастойны Кардынал Леанарда Сандры даслаў на рукі Апостальскага Візітатара для грэка-католікаў Беларусі архімандрыта Сяргея(Гаека) віншавальны ліст з нагоды 25-годдзя аднаўлення літургічнага жыцця і адкрытага душпастырства Беларускай Грэка-Каталіцкай Царквы.

Кангрэгацыя Усходніх Цэркваў
Prot. N. 101/2007


Дарагія браты і сёстры,
Урачыстасць Пасхі Гасподняй з’яўляецца для нас асабліва спрыяльнай нагодай, каб скіраваць да усіх вас, святароў і свецкіх вернікаў Беларускай Грэка-Каталіцкай Царквы на Радзіме і ў Замежжы, нашае сардэчнае прывітанне.

Прашло 25 гадоў ад выхаду з падполля, у якім вы жылі падчас камуністычнага рэжыму, і ад аднаўлення літургічнага жыцця і адкрытай душпастырскай дзейнасці, чэрпаючы з крыніц глыбокай візантыйскай літургічнай традыцыі, якую переклаў на беларускую мову працавіты і нястомны мітрафорны протаіерэй Аляксандр Надсан. Шчыра дзякуем яму за зробленую працу.

Вы ў асаблівы спосаб вылучаецеся сваёй здольнасцю злучыць абвяшчэнне Евангелля з пашырэннем беларускай духоўнай культуры, развіваючы такім чынам вашу каштоўную спадчыну і традыцыю.
Гэтыя каштоўнасці застаюцца для вас заўсёды актуальнымі і з’яўляюцца каштоўным скарбам асабліва перад выклікамі, якія штодзённа пережываюць верныя вучні Хрыста, Укрыжаванага і Уваскрослага для нашага збаўлення.

Запэўніваем вас у нашай малітве і нашай духоўнай блізкасці і ад сэрца зычым вам, каб святая Пасха асвятляла ўсё жыццё вашай Царквы і ўсяляла моц, неабходную каб жыць з новым дынамізмам сведчанне і радасць Евангелля, каб прынесці яго таксама і тым, хто яго яшчэ не пазнаў ці ад яго адышоў.
Праз заступніцтва Насвяцейшай Багародзіцы і Святога Язафата, прашу для вас нябеснага Блаславення і вітаю вас словамі, поўнымі радасці:

Хрыстос уваскрос – Сапраўды уваскрос!

Леанарда Кард. Сандры
Прэфект