Пілігрымка падляскімі слядамі святамучаніка Мікалая (Чарнецкага)

У Год памяці блаславёнага святамучаніка Мікалая, калі адзначаем 55 год ягонай смерці, група беларускіх грэка-католікаў здзейсніла пілігрыму на Падляшша, да месцаў звязаных з пастырскім служэннем гэтага вялікага ерарха.

Пілігрымка праходзіла з 19 па 22 чэрвеня 2014 г.. Яе ўзначалілі протапрэзбітар Усходняга дэканату а. Зміцер Грышан ды а. Зміцер Чарнель – душпастыр парафіі ў Маладзечне.

19 чэрвеня беларускія пілігрымы ўдзельнічалі у працэсіі Божага Цела ў грэка-каталіцкай (нэа-унійнай) парафіі ў Кастамлотах каля Цярэспаля.

У наступныя дні яны прашлі пеша шлях ад Кастамлотаў да Пратуліна, месца мучаніцкай смерці Падляшскіх мучанікаў.
У нядзелю 22 чэрвеня беларускія пілігрымы ўдзельнічалі ў свяце Падляшскіх мучанікаў у Кастамлотах, якое сабрала вернікаў не толькі з Падляшша але і з замежжа.

Асаблівым духовым вопытам для беларускіх пілігрымаў была малітва ў грэка-каталіцкім храме св. Мікалая ў Паўлаве, храме які асвяціў Уладыка Мікалай (Чарнецкі).