Віншавальны ліст Старшыні Канферэнцыі Каталіцкіх Біскупаў Беларусі з нагоды 20-годдзя прызначэння Апостальскага Візітатара для грэка-католікаў Беларусі

Архімандрыту Сяргею Гаеку
Апостальскаму Візітатару для грэка-католікаў Беларусі
МІНСК


Дастойны Апостальскі Візітатар Архімандрыт Сяргей!

У гэтыя дні спаўняецца 20 гадоў ад рашэння, якім 15 лютага 1993 году Блаславёны Папа Ян Павал ІІ прызначыў Вас на пасаду Апостальскага Візітатара для грэка-католікаў Беларусі.

Гэты юбілей прыпадае ў год, калі святкуецца 1150-годдзе пачатку Місіі святых Кірылы і Мятода, Апосталаў славянаў, якіх Каталіцкая Царква згадвае ў гэтыя дні.

Ад імя Канферэнцыі Каталіцкіх Біскупаў Беларусі, а таксама ад мяне асабіста, хачу сардэчна прывітаць Вас з нагоды гэтых Угодкаў і пажадаць багацця Божых ласкаў у служэнні іерарха Грэка-Каталіцкай Царквы ў Беларусі.

Няхай Вас заўсёды суправаджае апека Найсвяцейшай Багародзіцы, а таксама малітвы святых Славянскіх Апосталаў Кірылы і Мятода.

+ Біскуп Аляксандр Кашкевіч
Старшыня Канферэнцыі Каталіцкіх Біскупаў Беларусі