У Рыме праходзіць 23-ці марыялагічны і марыйны Кангрэс

З 4 па 9 верасня 2012 г. у Рыме праходзіць 23-ці Міжнародны марыялагічны і марыйны Кангрэс.
Ад імя Святога Айца Венядыкта XVI Кангрэс узначальвае кардынал Анджэла Амата, прэфект Кангрэгацыі па справах святых.
У форуме, арганізаваным Папскай Міжнароднай Марыйнай акадэміяй, прымаюць удзел навукоўцы з усіх пяці кантынентаў. З Беларусі ў Кангрэсе ўдзельнічае Архімандрыт Сяргей Гаек, сябра-карэспандэнт Папскай Міжнароднай Марыйнай акадэміі.

Сёлета Кангрэс прысвечаны абмеркаванню развіцця марыялогіі ад часоў ІІ Ватыканскага Сабора.
Працы Кангрэса праходзяць па пленарных сесіях i ў 14 невялікіх групах на італьянскай, англійскай, французскай, іспанскай, нямецкай, партугальскай, харвацкай, польскай і славенскай мовах. Акрамя таго, у рамках Кангрэса працуе адмысловая падгрупа для выкладчыкаў марыялогіі.

8 верасня, у свята Нараджэння Багародзіцы, удзельнікі Кангрэса ў пілігрымцы паедуць у Кастэль Гандольфа, дзе сустрэнуцца на малітве са Святым Айцом Бенядыктам XVI.

8 i 9 верасня адбудзецца 2-я частка Кангрэса, якая мае малітоўны характар, і ў якой возьмуць пілігрымы з розных краінаў свету.
Святую Імшу на заканчэнне Кангрэса ўзначаліць кардынал Джанфранка Равазі, старшыня Папскай Рады па справах культуры.