У Новы Год 2012 з асаблівым блаславеннем Кардынала Тарчызіо Бэртонэ

Вернікам, што вечарам 31 снежня сабраліся ў капліцы нашага Цэнтра св. Язэпа на Боскую Літургію на заканчэнне 2011 г., ахімандрыт Сяргей (Гаек) перадаў “шчодрае пастырскае Блаславенне” ад Яго Эмінэнцыі Кардынала Тарчызіо Бэртонэ, Дзяржсакратара Яго Святасці Бенядыкта XVI.

Кардынал выказаў удзячнасць усім, хто збіраецца на малітву перад Іконай Праведнага Язэпа, якую ён асвяціў у 2008 г.

Да свайго пастырскага Блаславення Яго Эмінэнцыя дадаў найлепшыя віншаванні з нагоды Новага 2012 Году Гасподняга.